ومدام في القلب نبض
يبقي أكيد في أمل
وبكرة أكيد أحلي
بالجد والعمل
ماتخفش من أي حاجة
أكيد في يوم هاتوصل
وهاتنسي كل التعب
ويزيد في قلبك الأمل
الحب في قلبك يزيد
ولو حبيبك عنك بعيد
هايجي يوم ويقرب
وبكره دا مش بعيد
دا مهما طال الليل
الشمس هاتطلع أكيد
تتحدي بشعاعها الضلمة
وتعلن بداية يوم جديد
وتصحي كل الخلق
وتخلي الواحد نشيط
قوم وافتح الشباك
وفكر في الحلم البعيد
وخليك واثق في الله
هاتوصل في يوم أكيد
ليست هناك تعليقات:
إرسال تعليق