السبت، 31 ديسمبر 2011

يسقط حكم العسكر



نفسي أقول كلمة من زمان
بس كنت خايف ومكسوف
إنما دلوقتي خلاص
مابقتش أخاف
عاوز أقول :
إني مانزلتش الميدان
عارف إنك هاتقول عليا
عيل جبان
بس أنا أحب أقولك
إني كنت بادعيلكوا
ولما حد بيغلط قدامي
كنت بدافع عنكوا
ولأني كنت خايف
مانزلتش قدام بيتنا
إنما بعد اللي حصل
في إعتصام إبريل
وأحداث إمبابة
ومسرح البالون
وماسبيرو
ومحمد محمود
ومش ناسي إعتصام طلبة إعلام
واللي زاد وغطي
أحداث مجلس والوزراء
لازم أكون شجاع
وماأخفش من حاجة
إنما أخاف علي مصر
وحتي لو مت
ماكفاية بقي سنين قهر
وذل
وإهانة
وخوف
لازم أقلع عباية الخوف
وأكون شجاع
وأهتقف بعلو صوتي وأقول
يسقط حكم العسكر
يسقط حكم العسكر
يسقط حكم العسكر

الجمعة، 30 ديسمبر 2011

فترة راحة



ديما بنخش في حوارات
ومابنطلعش نتيجة
ماتيجوا مرة نسكت
ونشوف إيه النتيجة
ونتعلم من كلام اللي قبلنا
ونبقي مع الدهب 
ونسيب الفضة
مش هما برضوا قالوا
" السكوت من دهب
 الكلام من فضة "
وأهو بالمرة
تريح وتستريح
وتشغل عقلك شوية
ويمكن كمان تتعلم
من فتره الراحه ديه

الخميس، 29 ديسمبر 2011

إحساس طالب




محاضرة !
بتقول هاتنحضرها
والدكتور إية مقدرها
ساعتين تلاته
أول ساعة
بيشرح بكل همه
وتاني ساعة
نص الطلبة نايمة
-يادكتور بريك
خلاص تعبنا
=خليكوا رجاله
احنا خلاص وصلنا
لاخر الباب
وبكده يبقي فاضي
كمان تلت تبواب
والطلبة بتفرفر
والدكتور مش مقدر
-يادكتور بريك
خلاص تعبنا
فرهدنا ،،،
شوية ميه ينوبك ثواب
والدكتور قافل جميع الأبواب
وف آخر المحاضرة
يقول : اتفضلوا وهو زعلان !
والطبلة كلهم
بيفرفروا
ولما يسمعوا الكلمة
يفرحوا ،،،
يهللوا ،،،
ويقولوا : انزاحت الغمة