لو كنت فاكر إني بشوف مصر
بعيني تبقي غلطان
دي حته من قلبي
دي بلد الأمن والأمان
ذكرها المولي سبحانه
في آيات القرآن
ولو دلوقتي فيها فوضي
منا أصلي اللي غلطان
إني سبت الحكم للعسكر
وفضلت ساكت من زمان
وبقول كفايه يا بدله يا كاكي
يالي حكمانا بقالك سنين
وقفنا كتير وراكي
ولا أنتوا ناسيين
قلتوا ست شهور
وعلي أماكنا رايحين
وطالت المدة بيكوا
وانتوا بالكرسي متمسكين
سمعتونا كتير شعارات
وماشفناش حاجة بالعين
غير لما الشرطة رجعت
تضربنا وإحنا معتصمين
دا أنا أخويا مات جنبي
والتاني أتخنق
والتالت ،،،
والرابع ،،،
وآلاف المصريين
لحد هنا وكفايه
وإحنا ياسيدي قادرين
ندير أمور البلد
وهانبقي مطمنين
لما الحكم يبقي مدني
بعيد عن العسكريين
وأنا نازل الميدان
وياموت يا عيش حر
مالهاش معني الحياة
غير وأنا فيها حر
وأبسط مواطن مصري
هايعيش في بلده حر
ليست هناك تعليقات:
إرسال تعليق