*في لــيــلــة شــتــويــة مغيمة
وجراحي فـي قلبي مـعـلـمـة
فجأة ! الـقـمـر شــــق الغمام
والدنيا رحعت من تاني منوره
عجبي !!!
--
*مهما كانت جراحك هايجي يوم
تزول عنك آلامك وكـل الهموم
لزم ننجرح ونتألم ع شان نفرح
دا يوم الفرح هايبقي حته يــوم
عجبي !!!
--
* دنيا مــن غير مــعــنــي وكـــــل يوم بـحـال
ناس مستقرة وناس عايشة فــي تـــرحـــــال
خليك نصير الحق وأوعاك في يـوم تــحــود
هـــــتــــلاقـــي فـــي يــوم أكيد راحـة البال
عجبي !!!
--
* زئير الأسد مين يـقـدر يمنعه ؟
ومين هــايـقـدر يـقـف قدامة ؟
لارصاص هـاينفع ولا قـنـابـل
ولا أي شـيء هـايـقـدر يـمنعه
عجبي !!!
--
* من الـتـحـريـر كـانت البداية
ومن تاني هانسطر الحكايـة
طول مالنظام لسه غـــبــي !
أموت وأخويـا يكمل ورايـا
عجبي !!!
--
*ياحكومة لسه عايشة بعقلية زمان
ونسيت إن الشعب بـإيـده الأمــان
مهما حاولتي تعملي هايجي يــوم
الحق فيه هــايـظـهـر ويـــــبــــان
عجبي !!!
--
*الـحـق حــق وهـايظهر يوم
مـهـمـا طـالـت عـليه الغيوم
صـاحـب الحق عينيه قـويـة
وعمره ما هاينازل عنه يوم
عجبي !!!
--
* أنا حلمي عالي في السما فوق
وأنا ع الأرض رابطتي طوق
وسمعت صوت غريب بيقولي
ماتقوم يا أخي وكسر الطوق
عجبي !!!
--
* لـحـظـة الـضـعـف مــش مـعـروفـة
وبـتـعـمـل حــاجــات مــش مفهومة
اتغلب علي ضعفك وأوعاك ف يوم
تعمل فـيـهـا حـــاجــات مـكـروهــه
عجبي !!!
--
*تمن الخيانة طول عمره فظيع
أصــل الـخـيـانــة شيء مريع
ياللي إنت خنت أو لسه ناوي
عـمـر الخيانة ماتهزم قطيع !
عجبي !!!A_mohmady@yahoo.com ***
ليست هناك تعليقات:
إرسال تعليق