*أول مــا تـضـحـك تبان النغـزتـيـن
وصفين لولي ينوروا علي الخديـن
قلبي يــطــيـر للسـمـا ويرجع تاني
ويسـتنـي نـظـرة من أجمل عينيـن
وعجبي !!!
--
*الحال ماشي كده عدل ولا مقلوب
وياتري الشعب غالب ولا مغلوب
لازم الأول تــبــقي فــي مـشـكلة
علي شان نتوحد ونصـفي القلوب
عجبي !!!
--
الجيش حمي الثورة ودا واجب عليه
مش هو بردوا من الشعب ولا إيه ؟
ولما الوضع إتغير ومسك زمام الأمور
طبعا لازم أنقد أداءه وأتكلم عليه
عجبي !!!
* كنت قاعد في حالي وجت صورتك قدامي
شمال يمين فوق تحت لفيت ودورت ولسه
صورتك قدامي
دايما أحب المستحيل وأتعب وما أوصلهوش
تقصير مني ولا ضعف ولا أنا لسه
علي نياتي
وعجبي !!!
--
*شيد قصورك يا ولا شيد قصورك
مع الـمهندس يا ولا ظبط أمورك
أحـلـم وفـكـر في كـل اللي تتمناه
وأكتر من كده يا ولا هانقدمهولك
وعجبي !!!
--
* رصاصة طايشة دخلت في جسم اخويا
مش شرط يكون من أمي وأبويا
يجمعنا دين او وطن اسمه مصر
ماهو كل مواطن مصري يبقي أخويا
وعجبي !!!
--
* تحت صي القمر كنا يا حبيبتي لوحدنا
وبأحلي نظرة عين دوقتي قلبي الهنا
شقلبتي حالي & شغلتي بالي معرفتش مين أنا ؟
معقول أبقي إنت وأنت تبقي أنا !!!
وعجبي
--
* هي الحياة كده مكسب وخسارة
صدقني مش بالحداقة ولا بالفهلوة
بالجد والتعب والعرق والإصرار
بس مين اللي يفهم ؟ ياخسارة !
عجبي !!!
--
*لـــو بـصـيـت لأي وش
هـتـلاقي طيبة مش غش
تعرف علي طول إنـك في مـصـر
لو كنت في قصر أو كنت في عش
عجبي !!!
--
*مافيش بشر من غير ذنوب
والشاطر هو اللي يلحق يتوب
باب التوبة مفتوح لحد الغرغرة
الحق واتخلص من كل الذنوب
ليست هناك تعليقات:
إرسال تعليق