* لسه في خطوة مخططهاش
وحاجة جديدة ماتعلمتهاش
لازم تتعلم وتعمل حـاجـة
هي دي الحياة ! ولا بلاش
عجبي
--
*الخير معروف والشر معروف
والصح صح من غير كسوف
والشر هايزول دا مش محال
والصح هايغلب وبكرة تشوف
عجبي !!!
--
* الدنيا من غيرك من غير قمر
ماهو أصل حبك علمني السهر
ماتحني علي قلبي وكفايه كده
داأنا قلبي تعب من كتر السهر
عجبي !!!
--
* لا تـلـوم الخسيس ولا تـكـلـمـه
عـمـر الـكـلام مــا هــايـعـلـمـه
الأصيل وقليل الأصل مايجتمعوش
زي العلم مش كل الناس بتتعلمه
عجبي !!!
--
*راحت السكرة وجــت الفكرة
مـا احنا لازم نـفـكر في بـكـرة
فـكـر وخـطـط وحـاور وقــرر
بس اوعاك في يوم تحتقر فكرة
عجبي !!!
--
*بحبك يا حبيبتي من كل قلبي
صبرت كتير ومش قادر أخبي
الحب دا داء وفين ألاقي الدوا
غير إنها تقولي : إنك في قلبي
عجبي !!!
--
*كل حاجة في الدنيا وليها نهاية
الأصل هو البداية ولا النهاية
العقل طــار واحـتـار وشــك
بس الأكيد إن كلامي له نهاية
عجبي !!!
--
*عمر الحمام ما يطير ويسيب العش
لأن هو اللي بناه وجمع فيه الــقــش
لو تعبت في حاجة عمرك ماهاتسيبها
حـتـي لـــو الـدنـيـا دورتـلك الـــوش
عجبي !!!
--
*خطوة النونو تملا البيت فرح
وصراخة وضحكته واللعب والمرح
وأحسن حاجة فيه قلبه الأبيض
اتعلم منه هتلاقي قلبك إنشرح
عجبي !!!
--
*الدنيا ريشة ولوحة وألوان
وكل ماتلون هاتبان كمان
ياتطلع حلوة ياتطلع وحشة
إنت وذوقك في إختيار الألوان
عجبي !!!
--
*الحجيج في عرفة وقلبي معاهم
فرحان بمنظرهم يا سعدهم ياهناهم
أتمني كل الناس تزور البيت
وماينسونيش وياخدوني معاهم
ليست هناك تعليقات:
إرسال تعليق