*خروف ملفوف في ورق سوليفان
كان واكل شارب وعايش في أمان
وماكنش يعرف إيه اللي مستنيه
صحيح الدنيا دي مافيهاش أمان
عجبي !!!
--
* خـرجـنـا نصلي الـعـيـد فــي الـساحـة
ولبسنا جـديـد والنفس بـقـت مرتـاحـة
وشفنا الأهل والحبايب ولعبنا وفرحنا
وأكتر مــن كــده تبقي النفس طماعة
عجبي !!!
--
*حلمت ! والحلم إيــه يمنعه
ومين اللي يقدر يقف قدامه ؟
دا مهما كـــان حلمك بعيد
لازم ولابد في ويوم تحققه
عجبي !!!
--
* جواك صرخة ووجع ليه تشيلهم ؟
جـوا صدرك يتعبوه ولا يغلبهم !
طلعهم بأعلي صوتك في الفضا
ودي بداية طريق إنك تهزمهم
عجبي !!!
--
* النجم عالي في السما وهـــاوصله يــوم
منا أصل حـلـمـي عــالــي زي النجـوم
هاوصله ! ولو ماوصلتش أبقي حاولت
دا الفرق بين الحياة والموت ... يــــوم
عجبي !!!
--
* شيكولاته ومصاصة ولعب عـــيـال
واللعب معاهم فرحة وبيريـح الــبـال
بنعلمهم حـاجات وبنتعلم منهم الصبر
يارب أرزق كـل عروسين بالـعـيـال
عجبي !!!
--
* ضفيرة وتـوكة وفستان لبنت زي الـقـمـر
في يوم ميلادها البيت بالـفـرحـة أنـغـمـر
دا عمر مـا الـبـنـات هايبقوا زي الـــولاد
دا – بنت أخويا – أحلي ياناس من القمر
عجبي !!!
--
*يا اللي إنـت هـــــــاوي الــحــريم خلي بـــــالك
لــوع الـحـريــم ودلـعـهـم هايـشـقـلـب حـــــالك
البيضا والسمرا والشقرا وأم عـــيـــون دبــلــي
لو مشيت وراهم - صدقني - هاتشوف المهالك
عجبي !!!
--
* ساعتي في إيدي بتعرفني كـــل الأوقـــات
بفكر في اللي جاي واتعلم من اللي فـــات
مافيش مكان في قلبي للحزن ولا للتشاؤم
دا صحيح صدق اللي قال اللي فات مـات
عجبي !!!
--
*وليه تكتم صوتك لما ممكن تطلعه
وليه تضايق غيرك لما ممكن تسعده
هي الحياه كده خير وشر وإنت حر
فياريت تحط كل شيء في موضعه
ليست هناك تعليقات:
إرسال تعليق