هايجري إيه لو كل ست
شالت ابنها علي كتفها
هايرحم نفسه م العياط
وتريح هي أهلها
من الصداع ووجع الدماغ
وصريخ العيل جنبها
اللي يحسر القلب المكسين
ويفتت كبد أمها
اللي بتمصمص شفايفها
وتتعجب من فعل بنتها
سايبة الواد يعيط
وواخده بالها أكتر من نفسها
تقولها بصوت محروف
ماتشيلي الواد يابنت الموكوسة
وارحمينا من صرخته
روحي رضعيه ،،،
وهشتكيه ،،،
ونيميه ،،،
وارحمي بقي دماغ أهلنا
ليست هناك تعليقات:
إرسال تعليق