الكون دا صدفة باحتة
ولا صدفة مقدرة
ياعمي .. بلاش كلام كبير
الصدفة هي الصدفة
ومين قالك أصلا
إن الكون اتوجد صدفة
دا كل العلماء والمفكرين
بيطلعوا منه العبرة
علماء بيدرسوا ويدوروا
وبعضهم بيلاقي الفكرة
ويكفي الجميع المحاولة
وصل أو ماوصلش للفكرة
الكون دا لوحة فنية
بنطلع منها العبرة
كل واحد بيطلع منها
علي قد ثقافنة وفهمة
أبدعها الله البديع
وسابنا ندور علي فكرة
بس تلاقي في أسئلة
تنم عن عقلية جهلة
قال الإنسان مخير أم مسير
بالذمة دا كلام عقلة
ماهو أنت لو مسير هاتتعب
نفسك ليه ؟ وتجري ورا الفكرة !
ومجرد كلامك في الموضوع
يثبت بوضوح العبرة
إن ربنا استخلفنا في الأرض
نبني الكون ونعمره
وكالعاده نسينا روحنا
وقعدنا بفكرنا نغيره
بس أقولك قبل ما أنسي
الكون كلة مخلوق بحكمة
تعبد ربك
تعمر أرضك
تساعد غيرك
يرضي ربك عنك
ويلهمك الصبر والحكمة
وبعد عمر طويل
يدخلك جناته العليا
ليست هناك تعليقات:
إرسال تعليق