*الــثــورة دي كـانـت ثــورة شـعــبـيـة
وبعلوا صوتهم قالوا:هانعيش ف حرية
رجـع شـبـاب مـصـر الـعظيم من تاني
وحــيــاتـه دي كــانت ثـمـن الـحـريــة
عجبي !!!
*أيام الثورة العظيمة محسوبة
تـمـنـتـاشـر يـوم كلها معدودة
مسلم مسيحي مـابتقتش تفرق
لما الوطن ينده إديهم ممدودة
عجبي !!!
*أول مـرة اب بـيـشـجـع ابـنـه
يخرج يقاوم الرصاص بجسمه
خرح الاتنين سوا الوطن همهم
الاب عـاد وخـلـد التاريخ ابـنـه
عجبي !!!
*تــونــس قـامـت ومـاقـعدتش
حلفت لتطهر ومافيش مـعلـش
سابها بن علي وعلي جده خلع
دا مافيش طير بيسيب الـعــش
عجبي !!!
*وفي شرم الشيخ كان لينا لقاء
قـمـم وحـوارت وكـلام زعماء
خـلـوهـا حـتـه مــن أوروبـــــا
ونـسـيـوا إن فـي يـوم لـلفــنـاء
عجبي !!!
*الـصـبـح طـالـع وجايب الـنـصر معاه
مــاهـو دا اللي كـل مــصــري بـتمنــاه
بـعـد سـنـيـن مـهـانــه وظــلـم وقــهـــر
خرج الشعب وبعلو صوتوا قال: آآآآآآه
عجبي !!!
*بين درعا ومصراته راحو فين العرب
بـيـن خـذلان ومـهـانـة وتـدخـل للـغرب
الشعب العربي واقـف ومـسـتـنـي الفرج
ثـايـر وحـايـر وبـيـدعـي و يقول يـارب
عجبي !!!
*دول قـلـة مـنـدسـة اوعــو تـمـشـوا وراهـم
عاوزين يجوعوا الشعب ومش فارقة معاهم
أصـلـهـم لـيـل نـهـار قـاعديـن بياكوا كنتاكي
دا كتلام مـسـئـولـيـن مــاتعرفش إيه وارهـم
عجبي !!!
أجـنـدات أجـنـبـيـة إيـه بس حــرام
بـطـونـا بـتـصرخ م الجوع حــرام
وانتوا واكلينها والـعـه ولا بيهمكوا
تجمعوا المال من حـلال او حــرام
عجبي !!!
*وفـي طـــــره كـلـنـا اتـجـمـعنـا
عـلـي حـاجـه واحده وليها معني
ظــلــم وفـسـاد وســرقـة كـمــان
دي الحاجه الوحيده اللي تجمعنا
ليست هناك تعليقات:
إرسال تعليق