إنك تلاقي الدنيا بتمطر
وتبرق وترعد
في عز الصيف
إنك تلاقي ريحة حلوة
طالعة من قلب الكنيف
إنك تلاقي أخ بيحدف
علي أخوه أزايزمولوتوف
دي تبقي حاجة غريبة
**
ما غريب إلا الشيطان
ماتقول كلام عدل
الناس كلها محتارة وبتسأل
هو إية اللي حصل
ومين هو المسئول
عن موقعة الجمل
وغيرها كتير وكتير
عاوزين نعرف المسئؤل
**
وعن سجن طرة مش هاطول
عليكوا وكتير هاحكي
أصل أنا مابحبش
أحكي في المحكي
بس هاسأل سؤال
في الصميم وأمشي
دي فترة نقاهة
ولا في حكم قضائي
الفترة طالت والشعب
واقف مستني
إية حكم النائب العام
في اللي مصوا دمي
**
وقالولنا الفقي هايترشح
لأمانة الجامعة العربية
ونبيل العربي بيغير
في سياسة الدولة الخارجية
بيرجع علاقات ويوتطد غيرها
زيرجع مصر من تاني
علي الخريطة الدولية
وفجاءة وبقدرة قادر
بقي أمين الجامعة العربية
**
في حاجة بتحصل في
مصر ومش متظبطة
هو الطبيعي إننا نلاقي
شوية لخبطة
فوزارة الداخلية
لازم تتحمل المسئولية
وترجع الأمن والأمان
لمواطن البلد ديه
ع شان يفكر ويخطط ويدبر
ويعمل خطة استراتيجية
أنا نسيت أقولكوا أن
مــصــر
قلب الأمة العربية
ليست هناك تعليقات:
إرسال تعليق