كل سنه وأنت طيب
الكل كان بيقولها لفاخمتك
ودا طبعا شسء طبيعي
إذا كانوا بيحلفوا بعظمتك
مش هايقولولك كده
وينفخوا في جلالتك
الدنيا دايرة وعمرها ماوقفت
وعلي شان كده وصلتلك
وطبعا الكرسي بيغر
وأنت كنت فاكره دايم لك
هاتحتفل إزاي دلوقتي
والكل بيبص عليك
وطبعا مش زي زمان
ومش هايبوسوا إديك
الشعب المصري دلوقتي
فرحان وفيهم اللي بيشمت فيك
ودا عمره ما كان من طبعهم
بس اتعلموه علي إديك
في قطرك ،،،
في عبرتك ،،،
في سياحك ،،،
في مصرك
كانوا قربوا ينسوا أصلا
إن البلد بلدهم مش بلدك
كل سنه وأنت طيب
وطبعا فرحان فيك
رجعت مصر لشعبها
والأحلي إنها مش بيك
وطبعا كلنا مستنين لما
تروح لطره علي رجليك
ياما صدعت دماغنا بكلام
معسول وسلمك وحربك
وكأنك أنت صاحب المعجزة
مش اللي خطط وقرر غيرك
ظلم وقهر وجهل ومهانة
هو دا كان حال شعبك
وأنت طبعا فاكر
إن كل الناس بتحبك
علي إيه وليه ومين ؟
وازاي كل الناس تحبك !
ودا طبعا أول عيد ميلاد
بتحتفل بيه في سجنك
كل سنه وأنت طيب
وطبعا فرحان فيك
رجعت مصر لشعبها
هناك تعليق واحد:
جااااامد جدا جدا كلمات حقيقية ومعبرة عن احساس اغلب المصريين
إرسال تعليق