هاتكلم النهارده
عن موضوع كبير
ركز معايا بقي
أصل الموضوع خطير
كنايس بتتحرق
وأضرحة بتتسرق
وفتنة طائفية
هاتعصف بالبلد
دا مخلص الانباء
واليكم نشرة الاخبار
**
المذيعين وضيوفهم
بيتحاوروا
يتكلموا في المشكلة
ويحللوا
يجيبوا مسلم ومسيحي
ويتكلموا
هلال وصليب يعني مصر
ودا اللي كل الناس
لازم تتعلموا
**
أنا السلفي
وعمري ما كنت
مكسوف
منا وشي مش غريب
علي الناس ومعروف
الصحابة دول خير خلف
للرسول الآمين
أشرف السلف
وعلي لسان الرسول الكريم
اليكم مبدأ السلفية
**
الموضوع طويل يا خوانا
مش هاتلخصة كلمات
تحبوا نبتدي منين
من العزوات
ولا نتكلم من بعد الفتوحات
هاقولكوا الخلاصة
في شوية منوعات
**
قطع الشجر ممنوع
قتل الاطفال ممنوع
السلب و النهب ممنوع
عدم الرحمة ممنوع
ممنوع
ممنوع
والف الف ممنوع
**
عرفتوا إيه هو منهج السلف
ومش هانروح بعيد من عصر
عمرو بن العاص من خير السلف
شوفوا المسجد بناه فين
جنب الكنيسة ومهدمهاش
وشاف تماثيل الفراعنة
ومكسرهاش
هما دول خير السلف
مش أي حد بدقن
يبقي من السلف
ومش علي شان
حماقة فردية
نتهم كل السلف
هما دول خير خلف
للرسول الكريم
خير السلف
خير السلف
ليست هناك تعليقات:
إرسال تعليق