كنا ديما بنسمع كلمة
اللي إحنا عاوزينه يمشي
واللي مش عاجبة حال البلد
الباب مفتوح يمشي
كنا بنحب الضلمة ونكره
طلوع الشمس من تاني
منا كل يوم بدوس بجزمتي
علي كل الأحلام و الأماني
وأقعد أسمع من تاني
نفس الكلام والأغاني
وصلوني لإحساس فظيع
إن البلد مش بلدي
وأنا قاعد عندهم ضيف
وإكرام الضيف دفنه حي
علي شان يكون عبرة
للي عنده أمل
إنه يشوف الضي
وفقدنا كل حاجة حلوة
ومعني كلمة بلدي
وكرهنا نحيي العلم
وكرهنا كلمة بلادي
شغلونا بالفن والكورة
وصراع الحضارات
علي إني أفكر في بلادي
وخلوا فكر الشباب إنه
يتجوز ويسكن في المعادي
إنما مصر هي مصر
من سبع تلاف سنه ولاده
بتعلم العالم كله
إزاي يشوف نور الشمس
يفكر ويخطط ويتعلم
من أخطاء الغير والأمس
كنا بنسمع ولا نتكلمش
ولو أتكلمنا ما بنعملش
والمرة دي عملتنا قوية
والمارد المصري صحي
خمسة وعشرين من شهر واحد
تمانين مليون بقوا واحد
وكلهم بصوت واحد
مسلم ومسيحي
في ميدان واحد
قالوا كلهم شعار واحد
الشعب يريد
وفي وش الظالم قاله لا
للظلم
للقهر
للمهانة
للإهانة
للجهل
بمشيئة ربك الكريم
الشعب العظيم أراد
والشعب لو أراد
لابد يتحقق المراد
تمنتاشر يوم يا خوانا
في تاريخ الزمن يبقوا إيه
إنجاز مصري كالعاده
عملوها ولاد الإيه
غيروا خريطة مصر
والشمس طلعت من تاني
وسطروا التاريخ من جديد
ورجعوا
علي شان يقودوا العرب
من تاني
يقفوا جنب بعض
إيد واحده
ويحققوا كل الأماني
مسيحي بيوضي مسلم
ومسلم بيحمي مسيحي
دا عمره ما كان جديد
علي الشعب المصري
إنما الجديدإنهم يهتفوا
الشعب يريد
ليست هناك تعليقات:
إرسال تعليق