وأنا لسه صغير باحبي
سألوني : نفسك تطلع إيه ؟
وأنا طبعا عقلي صغير
والفكر ما أوعاش عليه
والأهل والعيلة بيتخانقوا
دكتور لا مهندس لا ظابط
وأنا أقولهم يا ولاد الإيه
عمتوا تقولي : عروستك عندي
وخالتوا تقول :
وتيتا تقول :
وماما تقول :
وبابا يقول :
والجيران تقول :
والكل بيقول :
وأنا واقف مذهول
هاتطلعوني علي مزاجكم
وأنا واقف طرطور
فين أنا ؟ فين فكري ؟
فين تفكيري المحصور
في لعبة العب بيها
وطيارة الف بيها وأدور
أجري والعب واتنطط
وانط من فوق السور
هي دي الفطرة البريئة
من سنين وعصور
ليه بتفكروا في العروسة
ولا الشهاده ولية بتقرروا
دا مستقبلي لوحدي
ولا حد غيري يرسموا
هامشي وهاجري وهاقع
دي حقيقة والكل عاش فيها
مستقبلي بإيدي أنا
دي حاجة مالكمش فيها
سيبوني أعيش حياتي براحتي
وماتكرهونيش فيها .
ليست هناك تعليقات:
إرسال تعليق