*وأتاريني خايف من كل حاجة حواليا
وخايف من بكرة لما آجي افتح عينيا
ملاقيش غير الشوك في قلب الأحزان
ينقبض قلبي وتفيض بالدمع عينيا
عجبي !!!
--
* حطيت نهاية الطريق قبل بدايتة
فطبيعي تكون معالمة مجهولة
تسرع ولا غباوة مش –بصراحة- عارف
اللي أعرفه إني ما أعرفش بدايتة
عجبي !!!
--
* حافظ علي كرسيك لحد آخر نفس
وإن حد قالك ساعدني أوعاك تطلع نفس
غير لما تاخد الإذن من مامتك أمريكا
حتي لو أخوك مات غدر أو اتحبس
عجبي !!!
--
* غزة بتضرب للعالم أروع مثال
وبتعرفهم إنها معقل الأبطال
ومهما طالت عليها السنين
للمغتصب تراب غزة محال
عجبي !!!
--
* آدي أوراق ترشحي للرياسة
زي ما أكون رايح أتقدم لجوازة
سيط وشهرة وصورة في الجرنال
مدام الديمقراطية واخده أجازة
عجبي !!!
--
* ياريت ماتكونش زي خيال المآتة
الدنيا بتتحرك وهو واقف مكانه
دا مهما كترت عليك الأحــزان
الفرح – لابد - هايجي في أوانـــه
عجبي !!!
--
* وليه يا قلبي سايبني كده ؟
وليه الحب - قاسي - بالشكل ده
لو كان دا يبقي عذاب الحب
أكيد هاتحلو الدنيا بكرة
عجبي !!!
--
* ولا أي شيء يبعدني عن حبك
دا أنا كنت أول واحد حبك
وإنت أول حــب في حياتي
فتيجي إزاي إني أنسي حبك !
عجبي !!!
--
* المستحيل كلمة ملهاش وجود
بجهدك وعرقك لازم تجود
وحاول توصل رغم الصعاب
وبكده تبقي إنسان وليك وجود
عجبي !!!
--
* بين كل سطر والتاني
لوقدرت تخرج كل المعاني
هاتستفاد أكثر وأكتر
وهاتحقق – أكيد – كل الأماني
ليست هناك تعليقات:
إرسال تعليق