وبلهفة المجنون
بدور في الجرنان
علي عمود " تخارف "
لصاحبة الإنسان
عم " جلال عامر "
صاحب القلب العمران
بحب مصر
وبرسم الضحكة
علي وش الغلبان
معلومة بسيطة بيديهالك
تضحك وتبكي
تتعلم وتفكر
تخلص المقال وتحكي
عن كلمة حلوة عجبتك
أو جملة خلتك تشكي
كل الهموم اللي في قلبك
وترتاح ... لما تبكي
وأما مالقتش المقال
صرخت بعلو صوتي
وسألت : ليه مانزلش ؟
قالولي : تعيش إنت
ومافيش مقالات جديدة
دا عم " جلال " مات !
معرفتش أمسك دمعتي
ورجلي ماشلتنيش
دا عم " جلال عامر "
قلمة زيه مافيش
ومهما كانت الأوجاع
قادر إنه يضحكك
وبكلمة بسيطة منه
يعرف إزاي يفرحك
كلامه بيدخل القلب طوالي
ولاعمره مره يجرحك
يعرض كلامه باسلوبة
" الساخر "
تقدر تقول عليه ساحر
وتروحله تاني بمزاجك
وتسنتي كل يوم المقال
مع إن الموت حتمي
مهما طال المطال
مش كل الناس بتموت
منهم عمنا " جلال "
صاحب أشهر تخارف
في أبدع مقال
مش عيلته بس اللي افتقدته
كل الناس مفتقداه
واللي مصبر قلوبنا
كلمه بنقراها له
لسه عايشة معانا
وكأنه لسه قايلها
زي مايكون فتح المنجل
وشاف الواقع وقالها
مش جمله قالها من زمان
في جنة الخلد ياعم " جلال "
وليك منا أجدع سلام
وليك منا أجدع سلام
وليك منا أجدع سلام
ليست هناك تعليقات:
إرسال تعليق