بعد فتح باب الترشح لرئاسة الجمهورية كان من الطبيعي جدا إننا نلاقي الفريق أحمد شفيق أول المتقدمين بصفته رئيس وزراء أسبق ووزير قبل كده فكان طبيعي إنه يصحي بدري علي شان يقدم أوراقة . بصراحة ماكنتش أتوقع كل الإقبال دا علي الترشح للرئاسة والطابور الطويل اللي شفناه ولولا إن الناس لابسه بدل وواقفة كانت ممكن أفتكرة طابور عيش ، وعلي خلفية فيلم " ظاظا " للمبدع هاني رمزي رمو " الكوز " تقدم لسباق الرئاسة " صاصا " ميكانيكي وأتوقع له رموز " الفتيس " المهم في الموضوع إننا في أول يوم قفلنا " 200 " مرشح رئاسي وطبعا كل الناس دي مع إيقاف التنفيذ لحد ما يجمعوا التوكيلات مع غني كان في تصوري إننا هنلاقي حوالي 10 مرشحين ذو خلفية إسلامية مابين سلفية وإخوانية ومفكر إسلامي وجماعات إسلامية والمسميات الكتيرة دية ، علي كام واحد من الفلول علي كام واحد فاضلين بقي داخلين يتعرقوا والسلام وطبعا مع ظهور الأسطة صاصا هايدي دقعة قوية جدا لغيرة إنه يترشحوا من أصحاب المهن والحرف الأخري يعني اعمل حسابك في واحد نقاش وواحد بتاع بلاط وسيراميك وواحد خراط وواحد نجار ويبقي في مرشح لطل طايفة من طوائف المجتمع اللي قسمهم المجلس قبل كده إلي عنصريين أساسيين في الإستفتاء العجيب علي ترقيع الدستور نصيت طبعا إني أقول لازم يبقي في مرشح من الأقباط ولازم المرأة تاخد دورها والحمد لله إني لسه ما كملتش سن ال 40 علي شان ما أفكرش إني أرشح نفسي ودا طبعا لإن المرشحين سواء محتملين أو حقيقيين علي كتفهم أمانة كبيرة أوي أولها تأمين المجس العسكري وخروجة بزفة عسكرية من نوعية إنه حمي الثورة وماقتلش الثوار ولازم يعفوا عن مبارك طبعا وهو قلبه قوي لأنه واخد شرعيته من الشارع المصري وطبعا لازم يلغي كل الميادين اللي في مصر تحسبا لقيام أي ثورات أو مليونات ضده وطبعا سرعة إنتهائة من كل الكلام دا هايتوقف علي ضميرة وضمير اللي شغالين معاه ويحبذ إنه يعمل هجرة شرعية لكل الشباب علي شان مالهمش لازمة دلوقتي ومش ناقصة وجع دماغ وعلي شان إحنا عندنا من الشيوخ من يسطيع أن يقود الدفة بمهارة وحكمة ولكي اللي يا مصر .
ليست هناك تعليقات:
إرسال تعليق