مستغرب ليه من إن المسلم
بيسقي أخوه المسيحي
هو كده المصري المجدع
بشامة الإنسان الحقيقي
بيساعد أخوه في أي مكان
وهو دا الأمر الطبيعي
شكلكوا نسيتوا شكل الميدان
المسلم واقف جنب المسيحي
ساعة الصلاة
يبلغونا صوت الإمام
وساعة القداس
وجب علينا نحميهم
وهي دي المعادلة اللي هاتخلي
مصر مرفوعة الراس
واللي عمرك ماهتلاقيها
لافي كتاب ولا كراس
ادينا متشبكة ومتجمعين
ومافيش مكان لأي مندس
يحاول يفرق مابينا
لانه هاينداس بألف مداس
وزي ما العملة من وجهين
مابينفصلوش
مصر كده بالظبط تمام
ياللي مابتفهموش
المسلم والمسيحي فيها
مابيتفرقوش
إلا ساعة الموت
ودا الأمر اللي ماحد
يقدر يحوشه
ليست هناك تعليقات:
إرسال تعليق