*يـا أبـو سنتين لولي وعنيك ملونة
يلا حبة تـــاتـــا فــــرح قـلبي أنـــا
اللي من يوك كا شفتك عايش ففرح
وكل يوم أشوفك يدوق قلبي الـهـنـا
عجبي !!!
--
* وستاير الليل بتغطي الكون
جه في بالي قلبك الحنون
معرفش ليه وإزاي افتكرتك ؟
ياتري انا عاقل ولا مجنون ؟ !
عجبي !!!
--
* لسه المشوار طويل خلي عندك نفس
دا أخوك اللي مات واتسحل واتحبس
كان عنده حلم يشوف مصر حرة قوية
خليك مكمل في حلمه لحد آخر نفس
عجبي !!!
--
* لو هنت عليكي مش هاتهوني عليا
وهاتفضلي طول عمرك ضي عينيا
دا أنا مهما شفت منك عذاب وآلام
هاتبقي برضوا – مهما حصل – غالية عليا
عجبي !!!
--
* محتاج أقول كلمة بس مش عارف
مع إني جريء بس المرة دي خايف
أقول واعبر عن كل اللي جوايا
بس السؤال : لحد إمتي هافضل خايف ؟
عجبي !!!
--
* واتغير ليه ؟ منا كده زي الفل
كلي حب للحياة وطموح وأمل
هي حياتي كده ومش هاغيرها
منا كده كده مش هاعجب الكل
عجبي !!!
--
* الحب يحلي في وقت الربيع
دا اللي يشوف عينك يضيع
مش محتاجة أي حاجة معاها
يعمل إيه اللي شافها في الربيع ؟
عجبي !!!
--
* حق المنافسة مكفول للجميع
أصل المنافسة دي شيء بديع
يظهر عيوبك وتعرف ميزتك
فياريت ماتسبش حلمك يضيع
عجبي !!!
--
* رببع العمر جاي أكـــيـــد
يبقي ليه تسيب نفسك وحيد ؟
ما تقوم تحب وتصاحب وتحلم
واسعي في حلمك هاتوصله أكيد
عجبي !!!
--
* مهما بلغت في كتابة الشعر
مش هاقدر أوصف خصلة شعر
تنزل تعاكس أحلي عـــيـــون
ويتكتب فيهم أجـمـل شـعـر
ليست هناك تعليقات:
إرسال تعليق