فكرة بسيطة سريعة شقية
ماتيجي تسمعها إنت وهي !
الفكرة بتقول :
من النهارده مافيش غول
ولا أبو رجل مسلوخة
صاحب الأمر المجهول
ومافيش من تاني أساطير
هانقولها للأطفال
ولا هانخوفهم من حاجة
دا هما دول الأمل
وبكره أحسن بيهم
من غير خوف ولا كسل
يبقي خلاص اتفقنا
نحكلهم عن زويل
ونقريهم لجاهين
ونقرا معاهم حمدان
في " شخصية مصر "
وبكده نتعلم ونعلم
ونواكب العصر
ليست هناك تعليقات:
إرسال تعليق