علي كوبري قصر النيل
لقيت مرجانة طايرة
استغربت م اللي شفته
وهديت ،،،
لما لقيتها قاطعه سنارة
صياد شرير كان عاوز
يبعدها عن مرجان
ومرجان في النيل حيران
عمال يدور علي مرجانة
كانوا خارجين يتفسحوا
واتخطفت من جنبه
وحشتة بعد ما غابت
مع إنها ماغابتش دقيقة
ورجعلته من الناحية التانية
وقالتله كل الحقيقة
إنه وحشها وإنها
مش هاتعرف تعيش من غيره
زئر مرجان ! وقلها :
إنت حبي الوحيد
هانفضل مع بعض علي طول
والإيد ماسكة إيد
ودي حكاية حب شفتها
ليست هناك تعليقات:
إرسال تعليق