ماتيجي نعمل حاجة جديدة
حاجة غريبة حاجة مريبة
حاجة تخلي الناس تتجن
وتمشي تقول : حاجة غريبة !
ماتجي نبطل مرة
نشكي ،،،
نخون ،،،
نتكلم ،،،
ماتيجي في مرة
نحكي ،،،
نبكي ،،،
نشتغل ،،،
نتعلم حاجة جديدة
ونعلمها لكل الناس
ويبقي عملنا حاجة مفيدة
ماتيجي مرة نخاف علي بعض
ونبطل مره الغنا علي بعض
ونحب مرة بعض بجد
ونحط إيدينا في إيد بعض
تيجي في مرة نخش الجامع
ونشوف الوحده والكل راكع
ولما نخش كنيسة نشوف
الكل واقف يولع شمعه
في الكنيسة ولا الجامع
مصر أمانه بين إيديك
اسمها المحروسة وهي محروسه
سوا من غيرك أو بيك
يبقي ليه تعيش عاله ؟
وتسني ليه إعانة
بعد ما كنت مصدر رزق
ليه ترضي تكون عاله ؟
ماتيجي نفكر مره بجد
نكتب التاريخ من تاني
ونرجع من تاني منارة
زي ما كنا أولاني
تيجي في مرة ننط السور
بس مش هانهرب !
دا علي شان نشوف النور
ونحقق مجد أمة
مصر قلبها في كل العصور
لو مش مصدق اقرا التاريخ
ولو مابتعرفش تقرا
أو حقود ،،،
اسمحلي أقولك :
ومش هاطول عليك
خرج منين صلاح الدين ؟
وقطز كان قاعد فين ؟
ودل اتنين غيروا في العالم
والبداية كانت في مصر
مش هاتكلم تاني كفاية عليك
وقت الكلام راح
دلوقتي وقت العمل
أنا هابتدي بنفسي
ولو انت عاوز تعالي
ليست هناك تعليقات:
إرسال تعليق