*الـدنـيـا كـتـاب مفتوح
ولسرك أوعــي تـبـوح
غير لأخ وأقرب صديق
يإما هاتعيش مفضوح
عجبي !!!
--
* الإحـبـاط دا شـعـور مـخـبـف
لما يتملكك إحـسـاس سـخـيـف
إنــك مـخـنـوق وكـــاره حياتك
يا تحب حياتك يا تعيش سخيف
عجبي !!!
--
*هـايجي عـلـيـك يوم لازم تعمل حـسـابه
زي ماعملت هايتعملك وكله بـحـسـابـه
اعمل خير هتلاقيه والشر هــايروح فين
دا عمر المحصول ما يتجمع قبل معاده!
عجبي !!!
--
* الموضوع ببساطة من غير كاني ولا ماني
المصري خلاص فاق ومش هايسكت تاني
هـــاتنفز اللي قــولــت عليه هــاحــتــرمك
مــش هــاتـنـفـز دا الـتـحـريـر عــنــوانــي
عجبي !!!
--
*هاتخاف من بكره لـيـه ؟ دا لسه مجاش
وأي حاجة هاتحصل إنت ما تعرفهاش
اعـمـل الـخـيـر ومـــا تـشـغـلـش بـالـك
وصدقني تـعـبـك مــش هايروح بـلاش
عجبي !!!
--
* زهرة الحب نبتت تقطعها ليه ؟
إنت مفكر إنك هاتقضي عليه !
دا مهما حاولت تـقـف قصاده
الحب مافيش حاجه تعلا عليه
عجبي !!!
--
* مهما دورت ولفيت زي الـوحـوش
مـاحدش هايقدر لـرزقــك يـحـوش
اعـمـل الـصـح وإرضـي بـقـلـيـلـك
واوعاك في يوم تبقي زي الوحوش
عجبي !!!
--
* في حاجات كتيرنقصاني كتير
أولـهـا إنـي أســاعـد الـغـيــر
وما أمشيش ورا رأي أي حد
ومـن نـفـسـي أبـدأ الـتـغـيـيـر
عجبي !!!
--
*لو السعادة اتأخرت وماجدتش عادي
هـاروح علي بـابها هـاخبط وأنـادي
هــاسـتـنتاهـا لـمـا تفتحلي واسـألـهـا
اتـأخـرتـي لـيـه عـلـي مـيـعـادي ؟
عجبي !!!
--
* جواك قرار خايف ليه ومتردد ؟
خليك شجاع واوعاد في يوم تردد
وأوعاك في يوم تخاف م الفشل
يا تعيش شجاع ياهاتموت م التردد
ليست هناك تعليقات:
إرسال تعليق