*مـسـلـم مـسـيـحـي مش دا الإختلاف
دا علي مـــصـــر كلنا لازم نـخـاف
نـتـصــافــــي ونبقي إيد واحده بجد
ونرجع من تاني علي بعض نخاف
عجبي !!!
--
* لو كانت رياح الشر شديدة
جذور الحق في الأرض بعيدة
هاتنبت وتزهر في يوم من الأيام
دي دولة الحق بتعيش سعيدة
عجبي !!!
--
* لحظة الموت في معادها ما بتتأخرش
هي الحياة كده علي طول ما بتهزرش
مـحـدش بـيـعـرف يـومه ولا مـعـاده !
ولا آخر نفس هايطلع ومش هايخش
عجبي !!!
--
*جنازة شهيد طايرة والملايكة بيشيوعها
وناس بتبكي علي فرافق ابنها أو أبوها
المشهد مروع رهيب والجنازة بسيطة
مع إن أهل السما والأرض بيودعوها
عجبي !!!
--
* في ليالي الشتا يحلا السهر
ومع الموسيقي يحلو السمر
ماتشلش هم بكره أكيد هايجي
وخليك دلوقي مستمع بالسهر
عجبي !!!
--
*في الصبح تسمع صوت البلابل
تقوم من نومك نشيط رامي الكسل
تبدأ يوم جديد بكل تفاؤل وأمل
صدفني مع التفاؤل يا محلا العمل
عجبي !!!
--
* ياوردة دبلانة محتاجة شوية ميه
يارتني كنت ساقا أو كان معايا ميه
كنت سقيتك ورجعتلك جمالك ودلالك
بس مش بإيدي ولا حتي لاقي بق ميه
عجبي !!!
--
* موجة البحر بشوفها بعيتي
وأسمع صوتها ينادي قلبي
يجي في بالي كلامك وجمالك
وأحسد بعدها قلبي وعيني !
عجبي !!!
--
*اتنين حبيبه علي كوبري قصر النيل
تحت ضــي القمر بيسمعوا مـواويـل
يـفـهـمـوا بعضهم مــن نـظـرة عـيـن
علي شـان حـبـهم أصـفـي مـن النيل
عجبي !!!
--
*يا جنيني اقطفلي أحي وردة
وأوعـاك يا خال تكون دبلانة
أحسن دي رايحه لأجمل بنت
في جمالها أحلي من الريحانة
ليست هناك تعليقات:
إرسال تعليق