لازم أزاول مهنتي
وأزرع في أرض بور
ومش مجرد زرع عادي
دي الأرض شبعت مرار
وخوف وجهل وظلام
أغوط من أي بير
اللي بينزله مايطلعشي
أصله ملهوش أرار
وكتير ياما نزلوا
واللي طلع غطاه المرار
وع شان كده قررت أزرع
لأول مرة محصولي
اللي في اساسة مختلف
لاهو شتوي ولا صيفي
ولايزهر في ربيعي
ولا يسقط ورقة في خريفي
وهيفضل علي طول أخضر
لأنه محصول الأمل
اللي بيتزرع في القلوب
ولابد ترعاه اللي عقول
اللي ماتديش فرصة للإحباط
وتفكر وتخطط للمستقبل
والبداية لازم تكون
بالحب والعمل
ليست هناك تعليقات:
إرسال تعليق