لسه ليكي عندي
أمل وحب وفرحة
وتبقي زي العروسة
وهي لابسة الطرحة
يا مصر يا أغلي عندي
م العالم وكل اللي فيه
**
نيللك بيجري في دمي
وسماكي بتغطيني
وسبع تلاف سنة
تاريخ ومجد وحضارة
وفتح إسلامي
واستقبال قبطي
وعزو صهيوني
وإنت بتكبري في عيوني
في عز إنكسارك قوية
وفي إنتصارك بهية
أضحي بدمي فداكي
إيه معني الحياة لولاكي ؟
لسه ليكي عندي
أمل وحب وفرحة
وتبقي زي العروسة
وهي لابسة الطرحة
**
في شهر يناير كانت البداية
وكتب الشعب الحكاية
وسطر التاريخ كالعادة
في حب مصر
اللي ديما فوق العادة
لاعمر قلمي هايقدر يوصفة
ولا مليون كاتب
هايعرفوا يكتبوا
عن حب مصر
مصر مش مجرد كلمة
بنقولها بالسان
مصر أحلي حالة
عشقوها من زمان
مذكورة في القرآن
لسه ليكي عندي
أمل وحب وفرحة
وتبقي زي العروسة
وهي لابسة الطرحة
**
شربنا المر في أزايز
علي شانها وبس ! وسكتنا
وكان عندنا بصيص أمل
ديما يرفع همتنا
ولما النور علينا طل
كانت رقابينا في السما
بنقول للعالم كلة
وبعلو الصوت
مين أنا ؟
لسه ليكي عندي
أمل وحب وفرحة
وتبقي زي العروسة
وهي لابسة الطرحة
**
كتبنا أول القصة
ولسه فيها فصول
ما هو مش معقول في ليلة
هانقطع كل الذيول
بطالة وإقتصاد ومشاكل
كلها عاوزالها حلول
مصر هاترجع أقوي
وهو دا الكلام
المعقول
ونطلع سلم المجد
وناخد بإيد العرب
ونهزم المغول
لسه ليكي عندي
أمل وحب وفرحة
وتبقي زي العروسة
وهي لابسة الطرحة
ليست هناك تعليقات:
إرسال تعليق