كلمة من حرفين
يملوا الدنيا كتب
أما صحيح يا جدعان
عايشين في دنيا العجب
وهما هما الحرفين
يملوا الحياه شغب
سرحان وتوهان وتفكير
وجد ولعب
أكيد عرفتوا الحرفين
بيتجمعوا في كلمة
حب
***
الحاء
حبك حكاية ما تتحكيش
حبك رواية ما تتقريش
حبك أحلي إحساس
من غيره من شهاقدر أعيش
(1)
ما تتحكيش
لأن بكلامي مش هاقدر أوصفة
ولا بكلامي هقدر أنصفة
حبك بالنسبالي أحلي حكاية
هفضل أحبك فيها للنهاية
وأكتبلك علي جناح الحمام
حبك حكاية ما تتحكيش
(2)
ما تتقريش
لأن مكانه في القلوب
وحبة حبة فيه بدوب
وبحبك عرفت الحب
واتفتحت ليا كل القلوب
وبلهفة قلبي كتبها
حبك رواية ما تتقريش
(3)
إحساس
من ساعة ما حسيت بحبك
وفتحتي ليا قلبك
رميت من قلبي الشوك
ومليته بكل شوق
ورود وحب وحنان
وحطيتك جوا قلبي وكتبت
حبك أحلي إحساس
(4)
أعيش
قبل ما حبك
كنت عايش وخلاص
وماكنتش عاوز أصدق
إن في حب وإخلاص
ولما دخلتي قلبي
قفلته عليكي خلاص
واتعلمت أحب الحياه
علي إيدك
ومن غيرك
مش هاقدر أعيش
***
الباء
بحبك بحبك بحبك
بحبك بحبك بحبك
وكل ما هاشوفك هاقولك
بحبك
دا أنا بعشق سكوتك
كلامك
جنونك
وحتي بعشق حيرتك
بحبك بحبك بحبك
بحبك بحبك بحبك
بحبك حبيت كل الناس
واشتريت قلم ووياه كراس
وكتبت فيه اسمك محطوط
جوا قلب
ووريته لكل الناس
ووقفت وبعلوا صوت قولت :
عمري ما هاحب غيرها يا ناس
ليست هناك تعليقات:
إرسال تعليق