هاقول تلت كلمات
ومش هاتكلم ع اللي فات
لأنهم قالوا من زمان
اللي فات مات
**
الأولي
مصر
والتانية
حبيبتي
والتالتة
آية
**
الأولي مصر
وحلفت لأبنيلك قصر
من الصبح للعصر
ولا أتأخر علي ميعادك
ونرجع نسوق القطر
**
التانية حبيبتي
عمر حب مصر ماشغلني عنك
مه إنت حتة من مصر
ومصر حتة منك
ولما نسوق القطر
هاترجع أكيد ضحكتك
**
التالتة آية
آية التقدم مصر
هتاخد بأيد العرب
وتسوق بيهم القطر
وكفاية الي ضاع مننا
دا الكل بقي قبلنا
بس الأكيد الأكيد
إننا هانرجع تاني
ونحقق كل الأماني
وفي القدس نصلي العصر
مهي مصر رجعت تاني
علي شان تسوق القطر
**
والتلت كلمات جملة
قصيرة ومعبرة
تتكتب في أحلي مكان
بدم القلب العطشان
وتطفي نار الحيران
ونحطها في أحلي مكان
في القصر
( حبيبتي مصر آية )
ليست هناك تعليقات:
إرسال تعليق