*سلسلة شبابية بقلم شاب لكل الشباب مع بعض الحبكات التي قد تبدو درامية في بعض الأحيان والتي لا تخلو من الفائدة في بعضها الآخر .
( الحلقة واحد وأربعين )
بعنوان
تحت الطرحة
***
* كعادة المصريين إنهم بيعرفوا يستغلوا أي حاجة صح وبيلاقوا لأي حاجة إستخدامات كتيرة جدا ماتخطرش علي بال أي حد وكان آخر الحاجات المستحدث استخدامها هي الطرحة ! أيوه الطرحة تلاقي البنت زي الفل محجبة ومظبطه نفسها ولفة الطرحة خمسين لفة وتلاقيها حاطة تذكره المترو تحت الطرحة – لو بتركب مترو – والأكثر إنتشارا بقي هو الموبايل تلاقيها ماشية كده تقول " يا أرض انهدي ما عليكي قدي " وحاطة الموبايل تحت الطرحة وعمالة تتكلم ولا حاسة بالدنيا بس الغريب إن الموضوع دا بقي كتير أوي وبقي مقزز مش للولاد بس إنما لبعض البنات لأن طبعا مش كل البنات بتعمل كده فياريت بلاش البنت تحط أي حاجة تحت الطرحة - مجرد إقتراح - وشكرا .
ليست هناك تعليقات:
إرسال تعليق