*سلسلة شبابية بقلم شاب لكل الشباب مع بعض الحبكات التي قد تبدو درامية في بعض الأحيان والتي لا تخلو من الفائدة في بعضها الآخر .
( الحلقة تمانية وتلاتين )
بعنوان
البراشوت
***
* تبقي واقف في حالك إنت وصاحبك أو زميلتك وواقفين تتكلموا في أي حاجة في مكان عام أو مترو أو ميكروباص وفجأة وبدون سابق مقدمات ولا سابق معرفة تلاقي واحد راح داخل في نص الكلام كده ويروح مقاطع اللي بيتكلم ويقعد يتكلم معاكوا في الموضوع اللي هو أصلا ما يخصهوش في أي حاجة وتحس إنه نزل زي البراشوت معاكوا في الحوار وعمال يتكلم في أي حاجة ويهزي وخلاص وفي الحالات اللي زي دي أنا بفضل التجاهل والصمت وفي ناس بتكلم كلام وقبل ما ينزل أو ينسحب من الحوار يقعد يعتذر ويبرر دخولة في الكلام إنه خايف عليك وإنه بيحب مصر بس هو لو سأل نفسه سؤالين مش هايدخل في أي موضوع الأول هو يقرب إيه للناس اللي بيتكلم معاهم دول وخايف عليهم ؟ والتاني مال حب مصر بالتدخل في حياة الناس ؟ لو عرفت الإجابة اتصل ب 0900 وماتسناش جايزة .
ليست هناك تعليقات:
إرسال تعليق