*قبل الفجر بنص ساعة
شغلنا قرآن الإذاعة
جه صوت الشيخ رفعت
إستمتعنا معاه بتكات الساعة
*والشيخ رفعت بيقول علي عبد الباسط
بيكلم ربه العلي الباسط
ويقشعر جسمة وهو بيسمعه
الله علي صوتك يا عبد الباسط
*وعن الحصري مقدرش أتكلم
دا هو اللي عمل المصحف المعلم
وبصوتة الرخيم الهادي
تسمع منه وتتعلم
*أما المنشاوي دا حكايتة حكاية
تستمتع معاه بكل آيه
تسمع بقلبك وتقول الله
وتطلب منه الرحمة والهداية
*ومصطفي إسماعيل ياعيني عليه
شيخ كبير إنما إيه ؟
تسمع تلاوتة في المسجد الأقصي
تقول دا شاب لا يعلي عليه
*ومحمود البنا صوته محمود
بيحرك القلب من الجمود
ويهزه والجسم يقشعره
سبحان من سماه محمود
*وغيرهم كتير أوي متعونا
ومن صوت الإذاعة ما يحرمونا
من أصواتهم دول مشايخنا الكرام
الي بدأو الإذاعة وعلمونا
ليست هناك تعليقات:
إرسال تعليق