معرفش إيه خلاني
أدور في الورق القديم
ممكن يكون الجاني
صوت عبد الحليم
وشوية ورق كتبت عليهم
كا حاجة من أول ما مسكت القلم
كنت ساعتها لسه صغير
وكل يوم بحيي العلم
وارجع بيتنا متبهدل
واجري بسرعة عالحمام
آخد دش وآكل لقمة
وعلي سريري أطلع أنام
وأصحي أذاكر دروسي
وكنت علي طول متبسم
بس ماكنتش عارف عاوز إيه
ولا كان عندي حلم !
غير إني أكبر بسرعة
وأخلص سنين العلام
علي شان محدش يقولي
هي بطل كلام
ولا السؤال عالواجب
قبل ما أدخل أنام
بس يارتها كانت دامت
دي كانت أسعد أيام
علي شان كنا أطفال
ولا كنا نعرف بكام
وأي حاجة عاوزينها نلاقيها
لو حتي طلبنا يمام
ولا كنا بنفكر في حاجة
ولاكنا شايلين هموم
والفرحة ماكنتش سيعانا
واحنا بنلبس الهدوم
علي شان هانخرج نشتري
طقم العيد
وبعد ما أروح تعبان
أخده في حضني وأنام
والبسه وأنا رايح أصلي
واتقمع وسط الجيران
بهدوم العيد الجديدة
بكل بساطة زمان
اللي ديما نحكي عنها
ونقول كان يا ما كان
a_mohmady@yahoo.com ***
هناك تعليق واحد:
كان يا مكان.. حلوه اوى لانها بتحكى عنا كلنا ايام زمان
إرسال تعليق