قاطعت عمنا الفهيم وقولتله :
=يابن اللذينة تصدق
والله عندك حق .
رد بعصبية وقالي : - يابني لسه سبني أكمل كلامي مرة واحده في حياتك
= لمؤاخذه يا كبير الميكروفون معاك
بص يا سيدي
·
إحنا الشعب الوحيد في العالم اللي بيعيش في
أي مكان حتي المقابر
·
إحنا الشعب الوحيد في العالم اللي بيفهم في
كل حاجة وناس كتير مننا ماعندهاش في قاموس حياتها كلمة " معرفش " .
·
إحنا الشعب الوحيد في العالم اللي بياكل أي
حاجة ومن أي حتة حتي من الزبالة .
·
إحنا الشعب الوحيد في العالم اللي بعد ما
يشبع تريقة أو همز وغمز ولمز وبعد ما يبطل ضحك يروح قايل : " اللهم لا شماته
" .
·
إحنا الشعب الوحيد في العالم اللي بيقول كل
الألوان بالعربي ما عدا Orange و Pink من باب الفشخرة يعني
ولا مابنعرفش نقولها بالعربي مش عارف بصراحة .
·
إحنا الشعب الوحيد في العالم اللي كل جيل
مفكر إن أيام طفولته كان أجمل أيام ويقعد يترحم علي عليها مع إن إن الدنيا بتطور
من جيل لجيل في طريقة لعبة وتفكيرة بس نعمل إيه بقي في فراغة العين .
·
إحنا الشعب الوحيد في العالم اللي بيجيلة كل
طالب شهره وخصوصا في المجال الفني
·
إحنا الشعب الوحيد في العالم اللي ما بيعترفش
بالتخصص وأي حد بيتكلم في أي حاجة وتلاقي المهندس بيشتغل زبال والسواق بيتقاله يا
بشمهندس ! .
·
إحنا الشعب الوحيد في العالم اللي ديما
بيفوته نص عمره علي شان ماكنش موجود في موقف معين وبيضطر صاحبة إن يحكهولة تلتين
مرة عشان يتحسر عليه .
·
إحنا الشعب الوحيد في العالم اللي ديما
الحكومة بتاعته بتاخد قرار وبعد كده تفكر فيه وبعد كده بتنفي إنها عملت كده ومسلسل
النائب العام السابق – المستشار عبد المجيد محمود - وتعينه في الفاتيكان مش بعيد .
·
إحنا الشعب الوحيد في العالم اللي مابيعرفش
الحقيقة إلا لما بيكون لجنة تقص الحقائق بتبحث في الموضوع واللي بدورها بتعمل لجنة
فرعية وفي الآخر ما بنعرفش وصلوا لحل ولا لأ ! زي قضية حرامي الحلة .
·
إحنا الشعب الوحيد في العالم اللي ممكن يعمل
حملة تبرع جامده جدا ويلم فلوس فعلا من غير ما حد يعرف الفلوس دي هاتروح فين
بالظبط وموضوع الاستغناء عن المعونة بتاع الشيخ محمد حسان مش بعيد .
·
إحنا الشعب الوحيد في العالم اللي ممكن نعمل
مشروع ونسميه كمان ونعمل عليه بروبجاندا من غير ما يكون ليه مكان نعمله فيه وما
زالت مشكلة مدينة زويل قائمة ولا كمان زمان محدد نعمله فيه ولسه الناس بتسأل عن
مشروع النهضة .
·
إحنا الشعب الوحيد في العالم اللي محير
" عبده " معاه ما بين إنه يخليه يتحدي رمبه ، ومرة يبقي موته ومن قبلة
مواسم وقريبا أحداث إصدار " عبده قليل الأدب " .
·
إحنا الشعب الوحيد في العالم اللي اللي بيكتم
صوت التليفزيون وبيشغل فيم أجنبي ويعلي الصب جمبة علي الآخر وبيسمع أغاني شعبي .
= إيه ياعم دا كله دا
أنت معبي من الشعب قوي
-ولا معبي ولا حاجة يا سيدي
= هههههههههههه كل دا
ومش معبي ، ها قولي بقي كنت عاوزني في إيه ؟
-تصدق نستني كنت جايلك ليه ؟
= إحنا الشعب الوحيد في العالم اللي بيفكر في أي حاجة تانية غير الحاجة
اللي هو عاوزها أصلا .
-هههههههههههههه ماشي يا سكر لما افتكر هابقي اتصل بيك بقي خليني أمشي
= ما لسه بدري يابني
-لأ حلو كده يلا سلام
= سلام يا كبير
وقمت وصلتله لغاية الباب ودخلت اسمع سعاد حسني .
a_mohmady@yahoo.com*** 
ليست هناك تعليقات:
إرسال تعليق