مع بداية كل سنة جديدة بيكون برج الجدي علي
وشك توديعها ، وهو البرج الوحيد الذي يأتي في العام مرتين حيث أن بدايته تتزامن مع
نهاية العام المنقضي ونهايتة مع بدايته ومابين علم الأبراج وتوديع السنة الجديدة
واستقبال السنة الجديدة ياقلبي مافيش أي تغيير وعلي شان كده واحنا لسه في بداية
سنة 2013أحب أقولكوا شوية من الحاجات اللي هاتحصل في سنة 2014 وكالعاده وقضية كل
سنة " هل يجوز تهنئة الأخوة المسيحيين بأعيادهم أم لا " في ناس شايفة إن
هو حرام والمفتي يطلع يقول إن الرسول أمرنا بكده وتطير فتاوي في الجو هنا وهناك
علي رأي الخال لما قال : " بنلف بدواير ... والدنيا تلف بينا ، ديما ننتهي
... من مطرح ما ابتدينا " ودا طبعا مايجيش حاجة من اللي بتعمله الصفحات علي
موقع التواصل الإجتماعي كتاب الوش – اللي هو الفيس بوك – من كلام حول " إيه
أكتر حاجة حلوة حصلتلك في السنة اللي فاتت وتتمني إنها تتكرر السنة الجديدة ؟ وإيه
أكتر حاجة وحشة حصلتلك السنة اللي فاتت وماتتمنهاش إنها تتكرر تاني ؟ " ، "
قول أغرب موقف حصلك في السنة اللي فاتت " ، " مين أفضل إعلامي – من وجهة
نظرك – السنة اللي فاتت " ، " مين أكتر فنان يستحق يكون نجم السنة اللي
فاتت كلها " ، مين ... ؟ مين ... ؟ مين ... ؟ دا طبعا بيقي كوم لواحده غير
الكوم التاني من موجة القلش الرخيص اللي من نوعيه " تصدقوا أنا قاعد علي النت
من السنة اللي فاتت " ، " الواحد صاحي من السنة اللي فاتت " ،
واللي يجي يسلم علي واحد يقولة : " مكلمتش من السنة اللي فاتت واحشني يا راجل
" ، " الواحد مكلش السنة اللي فاتت " ، " النور مقطعش من
السنة اللي فاتت وعلي شان كده بنوجة رسالة شكر للسيد الرئيس راعي إنارة الشارع
المصري " ، وخد عندك ماتعدش تلاقي واحد كاتب كلام طويل غريض عن كل واحد غلط
في حقة او عملة معاملة وحشة أو ... أو ... وفي الآخر تلاقيه بيقوله : كل اللي فات
حمادة واللي جاي حمادة تاني إنت لسه ماشفتش حاجة ! " وخد عندك من الكلام دا
كتيييييييير ماكدبش ماركس لما قال : " التاريخ يعيد نفسه في المرة الأولى كمأساة وفي الثانية كمهزلة "
وعلي شان إحنا عايشين في مهزلة بكل ما تحملة الكلمة من معني تم تغيير شعار "
يسقط يسقط حكم العسكر " إلي " يسقط يسقط حكم المرشد " ومابين
الشعارين يظل شعار " الشعب يريد إسقاط النظام " قائما لا يحمل أي تغيير وأخيرا وليس آخرا أتمني إن سنة 2014 ماتكونش
زي سنة 2013 ودي طبعا مش حاجة جديدة علينا لاننا طول عمرنا بنلعن سلسفين أم السنة
اللي فاتت وبفتح ضبنا علي آخره للسنة الجديدة وزي ماقال إبراهيم الجارحي للسنة
اللي فاتت : " أمنيتي لسنة 2013 انها ما تبقاش زي سنة 2012 زي ما كانت أمنيتي لسنة
2012 انها ما تبقاش زي سنة 2011.. زي ما كانت امنيتي ..
" طبعا إحنا عندنا ذاكرة السمك ومش هانفتكر حاجة من الكلام دا السنة الجاية
هافكرك بيه ماتقلقش بس لو لحقت نسيت إنه حصل كده السنة اللي فاتت – اللي هي من
يومين – تبقي محتاج تعالج ذاكرتك وكل سنة وانتوا طيبين .
ليست هناك تعليقات:
إرسال تعليق