وتدور الدنيا بينا
وإحنا مش عارفين
إننا جوا المدينة
من نفسنا ضايعين
بندور علي بر الأمان
وكلنا فيها مساكين
ماشيين في سكة سفر
والسكة لسه طويلة
ساعات بتبقي مضلمة
وساعات بتبقي جميلة
وزي ما بنشوفها بعنينا
بنعيش فيها
ساعات ندور حواليها
وساعات نبحر فيها
من غير قلوع ولا زاد
بنحاول نضحك عليها
تضحك في وشنا كتير
وكتير بتبكي عنينا
نمسح دموعنا ونقف
نتعلم م اللي فات
وناخد نفس عميق
ونطلعه في البراح
ماهو صدق اللي قال :
" اللي راح راح "
وابدأ من النهاردة
وحط في بالك فكرة
إنك بالجد والتعب
هاتوصل أكيد بكرة
مش شرط لكل اللي عاوزه
بس حافظ علي الفكرة
وخلي معاها مبدأك
زي مصر الأصيلة
مهما حصل فيها
لسه برضوا جميلة
دي طيبة شعبها
تصيب العالم بحيرة
إزاي بعد اليأس
بيولدوا الأمل
وفي عز المحنة
تلقي الضحكة مجلجة
وفي كل حتة في العلم
تلاقيلهم بصمة
بس ناقصهم حاجة واحده
يتجمعوا حول فكرة
ليست هناك تعليقات:
إرسال تعليق