مهما كترت الاسماء
اسمك أجمل اسم
مهما قابلت كتير وعرفت
انت أجمل بنت
كل الناس ممكن أنساها
إلا أنت
أنسي اسمي ولا أنسكيش
دا أنا من يوم ما قابلتك
عرفت إزاي أعيش
وأشوف الدنيا بشكل تاني
وأستمتع بطعم العيش
من يوم ماشوفتك في الجنينة
وقلبي معاكي مرجعش
حاول بكل الطرق
بس لسة ماوصلش
لمفتاح قلبك الكبير
ولحد دلوقتي ماتعبش
غريب حبي ليكي
إزاي بدأ وإمتي ؟
إزاي زاد في قلبي
إزاي ماعرفتش أخبي
ليه مازعلتش منك لما كسفتيني
ولسه عندي أمل
إنك تحبيني
بدعي ربنا يوفقك
وتعيش علي طول في هنا
لو معايا هاكون سعيد
ولو مع غيري هاكون سعيد
إنك إختارتي سعادتك
وهفضل برضوا أحبك
حتي لو من طرف واحد
ليست هناك تعليقات:
إرسال تعليق