قررت أحلم وبخيالي أطير
أفرح وأزقزق زي العصافير
وماشيلش في قلبي أي هموم
وأفتكر نفسي ابن ملك أو أمير
مولود في بقة معلقة دهب
والخدم واقفينله طوابير
بيشاور بصباعه يجليه
كل اللي عاوزه
لو حتي لبن العصافير
واتمشي في وسط الجنينه
وأحب بنت الغفير
وأبويا يطردني من العز
علي شان بنت الفقير
وأفوق من حلمي الاقي
بنت أحلي من القمر
واسألها عن أبوها ؟
تقولي : راجل فقير
أطير من فرحتي
وأفتكر ابن الأمير
دا الحب عمره ماعرف
فرق بين الغني والفقير
وبيدخل القلب من غير استإذان
ليست هناك تعليقات:
إرسال تعليق