عارفة الفرق بينك وبينها
هي أحلي منك بكتير
بتحيرني وتعذبني ودوخني
وبرضوا لسه عليها بغير
هي معايا في كل الشوارع
كل الحواري
في كل الأحياء
دي حتي معايا في حلمي
لو مشيت في الشوارع
الاقي ريحتها
وفي كل حته
بسمع حكايتها
ماتزعليش إني قولتلك
إنها أحلي منك
ماتثوريش ،،،
ما تغضبيش ،،،
ماتكرهنيش ،،،
ماتشكيش ،،،
ماتندميش ،،،
إعرفي الأول هي مين ؟
بدل ما تروحي وماترجعيش
مافيش طبعا أجمل منك
غير مصر
إضحي ،،،
إفرحي ،،،
هللي ،،،
كبري ،،،
وقولي لكل الناس
إنك بنت مصر
اللي خطفت قلبي
لأنها حته من مصر
عرفتي بقي إنك معايا
في كل حته وكل مكان
ويلا بقي قبل فوات الأوان
نسمع بعض كلمة
" بـحــبــك "
ليست هناك تعليقات:
إرسال تعليق