حزر فزر في رمضان
فوازيرنا بكل الألوان
أبيض وإسود وأحمر
وبلون النسر كمان
**
الفزورة السنة ديه
هل معركة إنتخابية ؟
ولا الدستور يا عنيا !
**
شغلوا مخكوا يا حضرات
فوازيرنا بكل الألوان
يطرحها عليكوا الأعيان
ويتوه الراجل الغلبان
**
الإستفتاء كان حر نزيه
ونتيجته واضحة وصريحة
سبعة وسبعين وزيادة
قالوا : نعم
أيها السادة
نحور ليه بقي !
وتبقي ليه فزورة ؟
**
إستفتينا علي ست مواد
والإعلان حاجة وستين
مين بيحور علي مين ؟
ومن هنا جت الفزورة !
**
حزر فزر يا روحي
دا أنا مصر عندي
أغلي من روحي
إنتخابات ولا الدستور
هافضل ألف بيها وأدور
وأعدي بيها البحور
وأوصلها لبر الأمان
ويعيش الراجل الغلبان
حزر فزر في رمضان
فوازيرنا بكل الألوان
أبيض وإسود وأحمر
وبلون النسر كمان
ليست هناك تعليقات:
إرسال تعليق