- يعني إن في فرق عاوزه تكمل الدوري بس مايطبقش قانون الهبوط للقسم التاني .
-يعني إن حسن شحاته يتمسك بتدريب المنتخب بإيده وسنانه ويتمسك بالشرط الجزائي في حاله اقالته علي الرغم من إنه المسؤل عن موقف المنتخب في التصفيات ! .
- يعني المحمدي يجي يلعب مع المنتخب وكأنه بيتفسح أو بيتدرب للمطش الي جاي في انجلترا .
-يعني التؤام لما ينزلهم واحد ولا اتنين من جمهور الافريقي التونسي في مباره الذهاب يقولوا عليهم ارهابين ويدعوا جمهور الزماللك للنزول وكانه سوق وليس ملعب كورة قدم ! .
- يعني إن جمهور الزماللك ما يكدبش خبر مدربية وينزل يضرب في لاعبي الافريقي التونسي .
- يعني إن مافيش لاعيب مصري بيعمر في الاحتراف والضحية الوحيدة الي كملت الاحتراف هو هاني رمزي (مدرب المنتخب الاوليمبي حاليا ) .
- يعني إن عماد متعب عاوز يحترف وهايموت ويحترف وبعد ما يمضي عقد الاحتراف يقول مش لاعب ويرجع الاهلي تاني ! .
-يعني إن بروسيا دورتموند يقرب من الحصول علي الدوري الالماني ومحمد زيدان مالعبش مباراتين ورء بعض لكثره اصاباتة هذا الموسم .
- يعني إننا نفهم الكورة غلط ويبقي ساحه قتال وتكسير وفتنه بين بلدان عملناها قبل كده مع الزائر ودلوقتي تونس والبقية تأتي .
- يعني إن ابوتريكة لما يهبط مستواه ودا طبيعي لاي لعيب ف العالم نقول لازم يبطل كورة مع إن هو نفس ذات الشخص الي جاب بطولات في اوقات غريبة " قاتلة " بأهداف عالمية .
- إن وليد دعبس بيقول إن قناه مودرن سبورت بتخسر وكل شوية يفاجئنا بفتح قناه جديده وانتظرونا وقريبا ! منين بقي القناه بتخسر ومنين بتفتح قناه جديده ؟؟
- إن الجماهير تفهم الحرية غلط والمدرجات تنور بالشماريخ .
وهي دي الحياه مع كورة زيرو .
ليست هناك تعليقات:
إرسال تعليق