ناس كتير كلمتني
وقالتلي إكتب زي الخال
هات اللي بيقرا ووديه
ولا أحسن مقال
ولو طولت شويتين
يبقي الكلام عال العال
واقرا لعم نجم وعلي سلامة
وأكيد طبعا الخال
واركن شخصيتك شوية
ومش مهم عندك ايه !
خليك ورا الكبار
واعمل زيهم كل حاجة
واتعلم منهم كمان
انت اصلا ولا حاجة
معرفش نسيوا ولا تناسوا
إن الشعر في الأساس موهبة
مش شوية كلام بيتقال
في جمل متركبة
فكرت في كلمهم كتير
وبقالي فترة ماكتبتش
عشان بفكر في الكلام
والعقل فيه وش
جميل أني اتعلم من كل واحد
والأجمل إني أكون نفسي
لاحسن أرجع واتندم
وأقعد أقول ياريتني
بشكركم علي إحساسكم
وكلامكم الجميل ليا
هاتعلم اكيد منكوا
وليا طبعا شخصية
هاقدر أميز وأحدد
إيه اللي ينقع أكتبه
وهاوزن أموري بالعقل
وهاقبل أكيد النقد
حتي لو الكلام مش عاجبني
هاكتبه في النوته وأفكر فيه
لأن الشيء الطبيعي
الإنسان يتعلم من اللي حواليه
وينصت بكل إحترام
للي ليه واللي عليه
وأقرر من تاني شكري
واحترامي لكل الناس
وطبعا هاتعلم من كلمهم
وكمان من الإحساس
وأول شيء اتعلمته
حب
ومساعده الناسA_MOhmady @Yahoo.com ***
@ahmedmohmady
مواضيع أخري
بصمة شبابنا ... ثقافة العمل التطوعي
مايطلبه المصلون
بنت إيزيس ... قصة قصيرة
هناك تعليق واحد:
أكيد لازم تكون نفسك وعلى رأي الأغنية
ما تحولش تبقى أي حد تاني غير نفسك
دور بنفسك جوه نفسك
تحياتي
إرسال تعليق