كل الناس ممكن تتشابه في اللون والشكل والطول
وحتي نبرة الصوت ، هتلاقي كتير ناس متشابهة وعندنا مثل شهير بيقول : " يخلق
من الشبه أربعين " ، إنما الحاجة الوحيدة اللي محدش هايتشابه بيها هي "
البصمة " نعم بصمة صباعك أخوك وأبوك وابنك وبنتك كمان علي الرغم إن في
هرمونات وكلام وراثي كتير مشترك مابين الجميع إلا إن الحاجة الوحيدة اللي ماحدش
بيبقي متشارك فيها هي " البصمة " ، ومن بين أفراد العيله الواحدة اللي
بيسيب بصمته في الحياة وفي منهم اللي بيخرج منها زي ما دخل فيها وعلي شان كده
حبينا نعمل حاجة نصيب بيها بصمة وعلي شان الهدف كان واضح والنية سليمة خلينا
الاسم " جمعيه بصمة شبابنا" حتى نرفع شعار سيب بصمتك وخليك
إجابي ... جمعية بصمة شبابنا سيب بصمتك في الحياة .
فكر بعض الشباب إزاي يطوروا منطقتهم بعد أول
نجاح لثورة الخامس والعشرين من يناير وتنحي مبارك وابتدوا يتصلوا ببعضهم وياتري
ممكن نفيد إزاي المنطقة ونعمل إيه ؟ وإيه دورنا ؟ فكانت حركتي " شباب 25
يناير بالمرج " & " بصمة شبابنا " ولتشابه الفكرتين واشتراك
الشباب في كليهما كان من الحتمي الإنضمام في كيان واحد .
كانت البداية بحملات نظافة ومحاولة لتنظيف حي
المرج وتوعيه الأهالي بخطورة تراكم الزبالة بجوار الأماكن الحيوية كالمدارس وغيرها
، دهان سور المترو والكتابة عليه ، حملات توعيه للمدارس والمراكز التعليمية لنشر
الثقافة بين الجميع ، ولأن تنمية الفرد من أهدفنا فكانت بعض المحاضرات التنموية
مثل كيفية كتابة السيرة الذاتية وكيفية إجتياز المقابلات الشخصية مع أصحاب العمل ،
الإتصال الفعال وكيفية تطورة ، التخطيط العلمي وكيفية حل المشاكل باستخدام
الأساليب المتطورة ، وكانت النقلة الكبري من مجرد العمل لجعل منطقة المرج نظيفة
تنتشر بها الثقافة إلي محاربة البطالة وجعل الجميع قادرين مؤهلين علي العمل وكان
أول معرض توظيفي تشهده منطقة المرج بحضور أكثر من 12 شركة وتم مساعدة أكتر من 700
شاب من شباب المنطقة للحصور علي عمل مناسب ، وبعد نجاح التجرية قمنا بالتعاون مع
المبادرة القومية للتوظيف بعمل معارض توظيف للعمال والفنين واصحاب التعليم المتوسط
في كل من شبرا الخيمة وإمبابة والمطرية وقريبا في المرج مرة أخرى ؛ وتجاوزت أعداد
المتقدمين للحصول علي عمل ألف ومائتى شخص في كل معرض معظمهم حصل علي وظيفة مناسبة
ولم نهجر نشاطنا المعتاد
من تنظيم يوم الطفل حيث يتم تنظيم يوم الطفل كل عام بداية عام 2012 بمشاركة أكثر
من 100 طفل ونسعي لتنظيمة أكثر من مرة في العام الواحد وادخال البهجة لنفوس
الأطفال .
وزيارات دور المسنين
وتلبيه رغباتهم قدر المستطاع . و مازال أمامنا الكتير والكثير لنفعله ، بصمة
شبابنا سيب بصمتك في الخير
يمكنك متابعة الصفحة الرسمية للجمعية من هنا
A_Mohmady@yahoo.com ***
@ahmedmohmady
مواضيع أخري يمكنك الإطلاع عليها
ليست هناك تعليقات:
إرسال تعليق