دوشة ... دوشة ... دوشة

سؤال اتسألته كتير من ساعة لما توقفت عن الكتابة " هو انت بطلت كتابة ليه ؟ " وطبعا لازم يكون في إجابة تتناسب مع الشخص اللي بيسألك سواء بنت أو ولد .

طبعا بشكر كل اللي سألني إنت بطلت تكتب ليه ولا دخل يسألني فين آخر إبدعاتك مع إني ولا مبدع ولا بطلت كتابة الموضوع ومافيش إني حاسس بحالة من الوش والدوشة في كل مكان بيقابلني في البيت في الشارع في المترو في المواصلات في الكلية حتي كوبري النيل ذات نفسة اللي الناس كانت بتروح تهدي نفسها فوقيه – بعض النظر عن اللي بيحصل من ورا الأسدين – علي شان تهدي نفسها وهي بتسمتع للهواء الجميل عليه وهما بيبصوا للنيل بقي عبارة عن دوشة .

الدوشة بتمنعك من إنك تركز أو ترتب أفكارك علي شان تعرف إنت هاتقول إيه وهو دا اللي بيحصل معايا لما باجي أفكر إني اكتب وتيجي في بالي فكرة تيجي حاجة تعمل دوشة جنبي فتهرب الفكرة مني وتنط في بالي فكرة تانية وافكر فيها وانسي الأولانية ، سمعك ياللي بتقول في يسرك طب ليه ما تكتبش أفكارك علي شان ماتهربش منك والإجابة أبسط من ما تتخيل حضرتك لو شغت كمية الورق المحطوطة تحت الكيبورد هاتندهش أكتر من دهشة نبيل لما شاف الفريسكا علي شان مشكلة حبل الأفكار لما بينقطع لازم جهد أكتر علي شان ترجعه تاني وفي الآخر ما بيرجعش زي ماكن برضوا .

أصبحت الحياة في مصر أسرع من قدرة استيعاب كتير من المصريين للي بيحصل علي شان كده بنشوف عدة أرقام لنفس القناة الواحدة واللي بيتعرض علي +1 بعد ساعتين هتلاقيه علي +2 وبرضوا مش قادرين يلاحقوا التطور اللي بيحصل في مصر والدوشة اللي بتحصل فيها .

أصبح ترتيب الأفكار وإبرازها في سطور واضحة المعالم مرتبة تحمل في طياتها هدف محدد معلن أحيانا وأحيانا أخري غامض – لدي البعض – لا يكتشفة إلا مدمنوا القراءة أو من يفهموا لغة الكاتب وقدرته علي إستيعاب الأشياء من حولة وإخضاعها في كلمات يسيرة مبسطة للقاري لا لأنه عبقري أو يملك عقلية فذه إلا إنه حاول أن يندمج مع الطبيعة فيفلح حينا ويفشل أحيانا يري إلتقاء البحر بالسماء علي آخر بصرة أمر حتمي لتقارب اللون بينهما والحالة المزاجية أيضا لا لأن الأرض كروية تدور حول محورها يبتعد عن نظريات نيوتن وإينشتين ولا يذكر عن العالم المصري الجليل مصطفي مشرفة سوي اسمة فقط لأن كل ما قدموة للبشرية هو محض إجتهاد عقلي لمحاولة فهم الطبيعة وهو ما يحاول أن يفعله لكن بطريقته .

مافيش بصمة صباع شبه اختها عند نفس الشخص فضلا عن شخص آخر فببساطة ووضوح شديدين لو مكتبتش حاجة جديدة وسألتني هاحيي مشاعرك النبيلة دي جدا جدا جدا وهاتكون الإجابة في كلمات قليلة لا تحسبها من كوكب آخر وهي أنني أمر بلحظات تصالح مع الطبيعة أحاول فيها أن أري الأشياء بمنظور مختلف .

A_mohmady@yahoo.com ... @ahmedmohmady