يا نوبي يا أسمر يا سيد الناس
صوتك مليان دفي وكله إحساس
بحبك لفنك وعشقك لجمهورك
دخلت وربعت في قلوب كل الناس
عجبي !!!
--
* لسه خيوط اللعبة ما اكتملتش
ومتاهه العسكر لسه ماخلصتش
إمتي نفوق من اللي احنا فيه ؟
ونعرف نفرق بين القناع والوش
عجبي !!!
--
* كام فرصة جاتلي معرفتش استغلها
مش ممكن تكون جاية مش في وقتها
ولا أنا اللي مهمل ومش مقدر قميتها
وع شان ضيتعما بالظبط زي اللي قبلها
عجبي !!!
--
* هاقوم وأقع وألعب واتنطط
هاضحك وأعيط وأفرح وأزقطط
مالصيف خلاص جه وحره كبس
وهاروح المصيف أعوم وأبلبط
عجبي !!!
--
* يا برنسيسة إحساسك العالي دوب قلبي
وصوتك الدافي الحنون حير كمان عقلي
ما بقتش بسمع غير ملكة الإحساس أنغام
ماهي خلاص - يا ناس - دوبت قلبي وعقلي
عجبي !!!
--
* عمر ... إنت مصري أصلي
كـلامك كله شـيـك وعـصـري
صعيدي ومصرتشجع الزمالك
العند دا أصلة جين مصري
عجبي !!!
--
* العشق للجلاد بيزيد عن أي وصف
مع إن لسه الجريح جرحه ماخـف
أصله عشق اختيار مش عشق اجبار
حتي لو قتل - كل يوم - ميت ألف
عجبي !!!
--
* مش بالعلام ولا المظاهر والكلام
بالانسانية والتراحم وسط الزحام
تعرف تفرق مابين الراجل بجد
واللي طول عمرة بيبيع الكلام
عجبي !!!
--
* أنين العود في الجو عالي
سيباه إيدين موسيقارنا الغالي
عمار الشريعي بطل يلحن
وصوت ألحانة لسه في وداني
عجبي !!!
--
* فرحت لما قولتي : هاي
وزعلت لما قولتي : باي
وماينهم كان كلام كتييير
في آخره أنا قولت : جاي
عجبي !!!
--
* مابقتش حاجة مضمونة والأبلج بقي لجلج
وصاحب الحق واقف زي الصخر أبلج
الدم لسه مابردش والحق لسه مارجعش
واللي معاه السلطة عمال بيتلجلج لجلجلج
ليست هناك تعليقات:
إرسال تعليق