هات الماشة يا معلم
ورصلي حجرين
دا العمر سكة واحده
مش سكتين
ومنين هايجي الأمل
ومنين تشوف العين
مع إن الشمس طالعه
ونورها علي بعد شبرين
ليه القلوب اتغيرت
وبقت أقسي من الحجر
وكل ما أمشي في طريق
الأقيه مقفول ومسدود
أفكر في ألف طريقة
أعدي بيها السدود
ارجع وحيد مكسور
وحبل في إيدي مربوط
لازم أفكة الأول
بس الحبل طويل ومعقود
جربت كل الحيل
ولسه الحبل معقود
وكل ما أفكر في حاجة
أو أمشي في أي سكة
الاقي طريقي مسدود
حتي اللي الناس بتعمله
في دقايق
بيحتاج مني مجهود
الضعف قرب مني
ولسه السد موجود
والف حجر وحفرة
في طريق ممدود
يارب وانت الكريم
ماتردنيش مهزوم
ليست هناك تعليقات:
إرسال تعليق