نفس حوار كل سنه
كل سنة وانت إيه ... ؟
في حاجات كتير في بالي
مش عارف أفولك إيه !
كل سنة وانت أخويا
كل سنه وانت جاري
كل سنه قاعدين مع بعض
بناكل وبنشرب ونعزم بعض
يمكن كمان نتقاسم نفس اللقمة
عارفك جدع مش بخيل
كل سنه نسهر ونذاكر
كل سنة نضحك ونبكي
والطبق اللي نازل طالع
ياريت نشوف واحد غيره
علي شان بقي قديم
من كتر الحاجات اللي اتحطت فيه
تعالي نتصور جنبه
ونقول للعالم كله
كلنا مصريين
وأحب أقولك م الآخر
ع شان الطبق اللي بعته هايبرد
مرضتش آكل منه حاجة
قبل ما أقولك :
كل سنة وأنت طيب
ليست هناك تعليقات:
إرسال تعليق