مصرتلاقيها في ست كبيرة
قاعدة بتبيع جرير
وراجل مش لاقي شغل
سارح بشوية مناديل
وشوية عيال مستغله
وشغاله في التسول
تلاقيها كل يوم الصبح
علي عربية فول
في محطة المترو
في موقف الميكروباصات
في الأحياء الشعبية
وبرضوا في الأحياء الراقية
هاتحس بطيبة نفس وسماحة
هاتعرف بيهم المصري
وعلي أحلي قهوة بلدي
ومع أحلي كوباية شاي
يبتدي يحكي عن أمجاد وبطولات
ومع رمية الزهر وشفطة شاي
وضحكة مرسومة علي كل وش
تلاقي الجرح متداري
وتلاقي الحزن مكسوف
يطلع قدام الناس
ويخلص الدور
والكسبان والخسران بيضحكوا
ع الزمن ومنه
ع المشاكل ومنها
حتي في عز الشدة
تلاقي أحلي ضحكة
هي دي عاده المصري
ولا هايشتريها
ليست هناك تعليقات:
إرسال تعليق