*سلسلة شبابية بقلم شاب لكل الشباب مع بعض الحبكات التي قد تبدو درامية في بعض الأحيان والتي لا تخلو من الفائدة في بعضها الآخر .
( الحلقة الإتنين وعشرين )
بعنوان
شمال يمين
***
*ناس كتير أوي عندنا لاغيين كلمة معرفش من قاموس حياتهم وتلاقيهم بيكلموك في أي حاجة ويا سلام بقي لو سألته علي مكان علي شان عندك مصلحة هناك ولا حاجه يعملك فيها أبو العوريف ويوصفلك وبعد ما تمشي علي الوصفة اللي هي " يمين في تالت يمين في شمال هتلاقيه علي إيدك الشمال " ولما توصل بالسلامة وتسأل هناك علي المكان الناس تقولك إيه الي جابك هنا إرجع تاني من مطرح ما جيت وقليل أوي اللي يقولك معرفش وأسهل حاجه يمين في شمال طبعا وطبعا المشوار اللي يخلص في نص ساعة بياخد اربع ولا خمس ساعات بسبب الفتاوي دي كلها فياريت نحط في قاموس حياتنا كلمة معرفش ومش عيب إننا نقولها والكلمة دي تدخل صمن الثورة الأخلاقية اللي إتكلمنا عليها في حلقات قبل كده .
ليست هناك تعليقات:
إرسال تعليق