يا مصر يا محروسة
ليكي مني ألف بوسة
من بداية الخلق لمنتهاه
بفضل الله
هاتفضلي محروسة
أبتدي أكتب منين !
دا أنت حكاية ورواية
طردتي كل الإحتلال
وعيشتي رافعة الراية
راية الحق والعدل والسلام
ولا بتتخفي ورا حمامة
وغصن زيتون اصبح ملعون
من كتر الكذب اللي وراه
طول عمر طريقك واحد
ماشية فيه براحة
تتكعبلي
وتلقي سدود
وتقومي بعديها تكملي
العالم كله اتعلم مننا
ما احنا الي انقذناه
من همج المغول
ووقفنا وصدناهم
عن إبادة البشرية
ولجحورهم رجعناهم
ودا الطبيعي مننا
لما نكون في عزنا
آن الآوان نرجع تاني
لمكانا وسابق عهدنا
ليست هناك تعليقات:
إرسال تعليق